091210

今日大學畢業禮，之前感覺一直很冷淡，想起爸爸不能出席，便一直心不正焉。

今日見到很多爸爸媽媽陪伴剛畢業的兒女影相，我沒有難過，反過來由心出發地微笑。我肯定，如果爸爸還在，他不會吝嗇，定會跟我分享同一份喜悅。

另外我想想，雖然爸爸離開，我兒子這角色也在我一生中應該要放下。但過不知多年後，我就會是我好孩子的爸爸，這時候，我就可以身在其中感受爸爸今日不能同享的喜悅。

畢業是人生其中一個中轉站，日後還會有不停出現的人生轉變。

二十二歲，我大學畢業，我會努力。

091203

今日好想以前咁記番野...

今日係伍華既陸運會，都幾開心之下過，見到d活活潑潑既伍華仔，總覺得佢地乞人憎極總有少少可愛。另外，我今日參加接力，我都唔記得乜野接力，要同ｄ阿太組隊，但總算勁，有銀牌拎，呢塊係我呢世人第一塊徑賽獎牌。

原來今晚要拎畢業抱，cola在身傍看到我犯一連串既錯，難怪佢動真火發怒。一連串犯錯底下，證明我從來無將畢業禮呢件事放係心入面，直頭係心不在焉。曾經何時，我會諗好無叫爸爸黎觀禮，依家呢個問題已經唔需要再諗，成件事我變得唔著緊。好想同cola道歉，平時我真係好少咁犯錯，我有ｄ唔似一個人。

回家時諗起爺爺。替爸爸上位時，爺爺對住我地三姐弟，面總帶點笑容。可能，見到我地三個都咁大個，連最細既都已經做緊野，替走左既兒子感到安慰。又可能，爺爺不希望我地知道佢個心有幾痛。